بص انت لو معاك 100مليون دولار بيهم ايه؟
هل تشترى بيهم عربية ولاتشترى بيهم قصر ولاتشترى بيهم طيارة ولا تشترى بيهم لوحة؟؟
لوحة ؟؟
 |
| لوحة الصرخة |
لوحة اية يعم اللى ب100مليون دولار ؟
بص خلينى هقولك على حاجة فى لوحة اسمها ((الصرخة ))للفنان ادفارت مونك
اتباعت 119مليون دولار زى ما في لوحة اسمها ((التبادل ))اتباعت ب300مليون دولار
مش كده وبس دا في لوحة اسمها سالفاتورمندى للرسام الايطالى الكبير ليو ناردودافينشى اتباعت اللوحة دى ب450 مليون دولار؟
 |
| لوحة سالفاتورمندى |
 |
| لوحة التبادل |
يعم دا كلام ملوش اى تلاتين لازمة ودول عالم تعبانة فى دماغها فين يعم الموضوع بتاعنا اللى هو الكون وكده؟
جيلك فى الكلام
بتكلفة اكتر من 100مليون دولار12 ابريل 1961 تكون اول رحلة الى الفضاء ويقوم بيها رائد الفضاء الروسى يورى جاجارين
الرحلة دى استغرقت 108 دقيقة وعملت دورة حولين الارض
قبل مايموت الفقرى رائد الفضاء نتيجة تسرب فى المركبة الفضائية
يعم انت فين الموضوع برضو ؟
هقولك...........
انت علشان تعرف اي حاجة لازم تعرف بدايتها كانت كيف واتعملت كيف صح ولا ااية؟
فده يودينا لسؤال .....
هى بداية الكون كانت كيف وازاى
بداية الكون
خلينى اقولك مفيش حاجة مؤكدة تقولنا بداية الكون كانت كيف لان دى حاجة بس ربنا سبحانه وتعالى هو اللى يعرفها
بس باجتهاد العلماء والباحثين قدرنا نحطت نظريات افتراضية تفسر بداية الكون
سنة 1927 قدم العالم البلجيكى جورج لومتر فرضية الانفجار العظيم
يادى النيلة هو ايه الانفجار العظيم ده؟؟
بص عمك جورج ده بيقول ان الكون كان عبارة عن كرة اوصندوق صغير جدا بس كان شديد الحرارة جدا وشديد الكثافة
((وبامر من الله (إنما أمره إذا أراد شيئا أن يقول له كن فيكون
انفجرت الكرة دى
هو فى الحقيقة ماقالش الاية دى بس دى كانت جدعنة منى كده
بس اول منفجرت الكرة فضلت تتمدد تتمدد تتمدد لحد ما بدات تبرد
اول مابدات تبرد بدا ت جسيمات صغيرة تتجمع عن طريق تجاذب الزرات مع بعض وفضلت تجمع
لحد ماكونت النجوم والمجرات العلماء بقدرو الفترة اللى اتكونت فيها النجوم والمجرات دى ب14 مليار سنة
ويعتبر ده عمر الكون يعنى عيد ملاده قرب
كل سنة وانت طيب يا كون عقبال الكونة
طيب ايه الدليل على الكلام اللى انت بتقوله ده مش ممكن يكون كلام اى حاجة فى رغيف
هو كان فى حد ساعتها مثلا صور الحكاية ولا انت بتصيع عليا
هقولك على حاجة
هو فيه دليلين واحد علمى والتانى دينى
ايه هما؟؟
عمك اينشتاين فى مرة كده وهو قاعد بشرب خمسينت شاى حط قانون وسماه الثابت الكونى
يعنى الكون ثابت فى مكانه مبيتحركش
وده كان كلام ملهوش اى تلاتين لازمة
ليه بقول كده لانى فى سنة 1922 العالم الروسى فريدمان مسح بكرامة اينشتاين الارض واثبت عكس كلامه
 |
| الطول الموجى للضوء |
بص هو عمل ايه
شوف معروف ان الضوء ليه طول موجى زى اللى موجود فى الصورة اللى انت شيفها دى بقولك كل مايذيد الطول الموجى ده زى شمال الصورة الضوء يذيد حمرانه يعنى يحمر اكتر وكل مايقل الطول الموجى زى يمين الصورة يبدا الضوء يزرق يعنى يزرق اكتر
وكل مكان الضوء بيبعد ودرجة حرارة مصدر الضوء تقل كل مذاد الطول الموجى يعنى الضوء يحمر اكتر متفقين
بص هو عمل ايه هو جه فى حتة معينة كده وقاس الطول بتاع ضواء جى من نجم معين
وشاف لون الضوء اللى جي منه وفضل يقيس ويشوف الضوء لحد ما لاحظ ان الطول الموجى بتاع الضوء بدا يكبر ويحمر
يعنى النجم بيتحرك من مكانه بمقدار متساوى يعنى الكون بيتمدد
هتقولى مايتمدد الكون هو دا دليل
هقولك ايوة دليل
انت لو معاك حاجة بتمدد او بتوسع وجيت عكست التمدد ده خليته انكماش
مش هيفضل ينكمش لحد ما يتجمع فى نقطة وحدة اللى هوالكون كان عبارة عن كرة صغيرة متجمعة
يعنى مثلا لو فيه قنبلة لسه منفجرتش مش بتبقاء صغيرة جدا وفيها القوة جوها
اول متنفجر مش بتوسع وتاخد كل اللى حوليها وفيها وتحركه لبره
وده كان الدليل العلمى على الانفجار العظيم
دليل ده ولامش دليل يامتعلمين يا بتوع المدارس
هتقولى طب مداه حرام مش ربنا اللى خلق الكون ايه يا عم انت هتكفر
هقولك اذا كان ربنا سبحانه وتعالى هو اللى قال كده
(أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقاً فَفَتَقْنَاهُمَا
وَجَعَلْنَا مِنَ الْمَاءِ كُلَّ شَيْءٍ حَيٍّ أَفَلا يُؤْمِنُونَ رَتْقاً)
يعنى ملتصقتان مع بعضهما
فَفَتَقْنَاهُمَا يعنى انفجار او انفصال
يعنى السموات والارض كانت كتلة واحدة وبقدرة الله فصلهم عن بعض وكون النجوم والكواكب والمجرات
خلاص كفاية لحد كده هكامل فى مقلات تانية دا لسه فى حجات ومحتجات كتيرعن الكون علشان المقالة متبوخش خليتها صغيرة
ونكمل بعد كده
شكرااااااااااا
السلام عليكم
لمزيد من المعلومات عن الكون اضغط
تعليقات
إرسال تعليق